|
|
| ...newyddion |
| Datblygiad Partneriaeth Lleol Sir Ddinbych hyd yma Mae rhaglen Amcan 1 Gorllewin Cymru a’r Cymoedd wedi bod yn gweithredu ers 2000, as mae wedi atynnu adnoddau sylweddol or UE i cynhorthwyo yn adfywiad o economi y sir. Hyd yn hyn mae yr allbynnau canlynol wedi digwydd-
Os ydych eisio copi or ddogfen sydd a manylion y datblygiad hyd yma – cysylltwch a Osian Jones ar 01824 708091 neu e-bost osian.Jones@sirddinbych.gov.uk Prociectau a Cymeradwywyd yn Ddiweddar Newyddion Ffrorwm Rheolwyr Prosiect Mynychodd nifer o Reolwyr Project seminar hyfforddi ar drefniadau Hawliadau ac Archwilio Cyllid Ewropeaidd ar 11eg a 12fed Gorffennaf. Cynhaliwyd y digwyddiad ar y cyd rhwng Partneriaeth Leol Sir Ddinbych a Phartneriaeth Leol Conwy yng Ngwesty Talardy, Llanelwy. Darparwyd yr hyfforddiant gan Margaretta Holmstedt o Brifysgol Bradford, sydd â phrofiad maith o faterion ariannu Ewropeaidd. Yn ystod y ddau ddiwrnod, ystyriodd y grwp faterion megis cwblhau ffurflenni cais, rheolau caffaeliad, cymorth y wlad a chadw cofnodion. Galluogodd yr hyfforddiant i reolwyr newydd a phrofiadol ddysgu sgiliau newydd ynghyd â medru trafod problemau a gafwyd gyda'r darparydd hyfforddiant. Roedd y digwyddiad hefyd yn ddefnyddiol i reolwyr project rwydweithio gyda rheolwyr project eraill o Sir Conwy, er mwyn cael trafodaethau pellach mewn perthynas ag arferion da ac anawsterau tebyg y maent yn dod ar eu traws. Roedd y digwyddiad yn llwyddiannus, a gobeithir
y bydd fforwm y rheolwyr project yn trafod anghenion hyfforddi pellach
yn y cyfarfod nesaf i'w gynnal yn yr Hydref. Ymweliad Gwlad Pwyl Bu Sir Ddinbych yn croesawu ymwelwyr o sir Gliwicki yng ngwlad Pwyl rhwng 18 - 23 Gorffennaf. Trefnwyd yr ymweliad fel rhan o drefniant rhwng y ddwy sir i gadarnhau'r cyswllt a wnaed yn ystod yr ugain mis diwethaf. Croesawodd Gliwicki ddirprwyaeth o swyddogion Sir Ddinbych ym mis Tachwedd 2004 a orffennodd trwy lofnodi'r Memorandwm Dealltwriaeth. Yn ystod yr ymweliad gwahoddodd y Cynghorydd Rhiannon
Hughes swyddogion Powiat Gliwicki i ddod i Sir Ddinbych ym mis Gorffennaf
2005 er mwyn i'r Sir roi croeso'n ôl. Trefnwyd rhaglen i'n
5 ymwelydd sef - Cytunwyd ar y cyd y dylai'r ymweliad ganolbwyntio ar feysydd a noddir gan yr Undeb Ewropeaidd, rhannu profiadau ym maes datblygiad economaidd, addysg a hyfforddiant galwedigaethol, cynhwysiad cymdeithasol a llywodraeth. Nodwyd y prosiectau posibl canlynol :-
Ymweliad Cor Toszeck Fe fu Cor Toszeck o ardal Silesia yng Ngwlad Pwyl yn ymweld a Sir Ddinbych rhwng yr 2ail a 6ed o Fehefin. Roedd y Cor yn ymweld fel gwestail Cor Eglwys Sant Pedr, Rhuthun, a fu yn ymweld gyda y Cor yn Gwlad Pwyl y flwyddyn diwethatf. Roedd yr ymweliad yn cynnwys perfformiad yn Gwyl Prestatyn, yn Rhuthun ac yn pabell S4C yn Eisteddfod Rhyngwladol Llangollen. Fe fu y Cor yn aros gyda aelodau Cor San Pedr ac
fe gafwyd hefyd daith lwyddianus o amgylch rhai o atyniadau Gogledd
Cymru. Mae yr ymweliad yn rhan o nifer o fenterau sydd yn gael ei
ddatblygu rhwng Sir Ddinbych a Glwicki yng Ngwlad Pwyl, a’r
gobaith ydi y bydd hyn yn arwain at nifer o prosiectau a chyfnewid
diwyllianol yn y dyfodl. Ymweliad Gweision Sifil o Wlad Pwyl Fe fu dau ymwelydd o lywodraeth Gwlad Pwyl yn ymweld
a Cyngor Sir Ddinbych yn ddiweddar, roeddent ar ymweliad i ddysgu
am weithredau rheoli a monitro prosiectau Ewropeaidd. Mae Magorzata
Szaleniec ac Justyna Potiopa yn swyddogion datblygu sy’n gweithio
i Awdurdod Rheoli Cymorth Technegol sydd yn is adran o Weidyddiaeth
yr Economi rhan or Lywodraeth Gwlad Pwyl, a oedd yma yn Gogledd
Cymru fel rhan o gyfnewid Swyddfa Gyllid Ewropeaidd Cymru . Fe fu
y ddau ymwelydd yn ymweld a Gyngor Sir Gwynedd a Sir Ddinbych er
mwyn cael mwy o wybodaeth ynglyn a gweithredai a ddefnyddwyd gan
y weinyddiaeth lleol yn eu gwaith ar Amcan 1. Gweddnewid y perl yng nghoron Rhuthun Mae adeilad a oedd yn dechrau mynd yn adfail yng
nghanol tref Rhuthun wedi cael ei weddnewid yn unedau busnes newydd
sbon. Meddai'r Cynghorydd Elwyn Edwards, Cadeirydd Partneriaeth Amcan Un Sir Ddinbych: "Hoffwn longyfarch y Cyngor ar weddnewid yr adeilad hwn. Mae'n enghraifft arall o sut mae arian Amcan Un yn gwneud gwahaniaeth mawr yn Sir Ddinbych. Disgwylir i gynlluniau a gyllidir drwy'r rhaglen gael effaith fawr ar gymunedau ar draws Sir Ddinbych a bydd yn diwallu'r galw mawr am unedau busnes ac yn cynorthwyo i roi hwb i'r economi leol." Y Rhyl yn Symud Ymlaen gydag arian Ewropeaidd gwerth miliynau Mae Cyngor Sir Ddinbych yn dathlu ei ddyraniad unigol mwyaf o gyllid Ewropeaidd yn dilyn cyhoeddi manylion am grant gwerth £2.9 miliwn i'r Rhyl. Bydd Andrew Davies, Gweinidog y Cynulliad Cenedlaethol dros Ddatblygu Economaidd a Thrafnidiaeth yn cyhoeddi heddiw (Ddydd Iau) y cymeradwywyd £2.9 miliwn o gyllid Ewropeaidd Amcan 1 i'r prosiect Y Rhyl yn Symud Ymlaen. Gydag ariannu cyfatebol gan Gyngor Sir Ddinbych ac Awdurdod Datblygu Cymru mae'r cyllid yn golygu y gellir bwrw ymlaen â Pharc Drifft gwerth £3.8m ar y promenâd, gyda £0.9m ar gyfer rhan gyntaf ailddatblygu Harbwr y Foryd a £1m i greu unedau busnes. Bydd y prosiect Parc Drifft yn gweld ailwampio ac uwchraddio tua saith erw o ochr orllewinol y promenâd.
Dywedodd Arweinydd Cyngor Sir Ddinbych, y Cynghorydd Rhiannon Hughes: "Dyma'r cyhoeddiad am y swm unigol mwyaf o gyllid Ewropeaidd i'w ddyrannu i Gyngor Sir Ddinbych erioedd. Ar y cyd â'r partneriaid byddwn yn chwistrellu £5.7m i economi'r Rhyl. Bydd hyn yn cael effaith sylweddol ar y prif ardaloedd dadfeiliedig ar hyd Rhodfa'r Gorllewin a Harbwr y Foryd. Bydd y prosiect yn adfer elfen atyniadol y cyrchfan twristaidd pwysig hwn ac yn dechrau ar y gwaith o ailwampio Harbwr y Foryd fel ei fod yn chwarae rhan lawn yn y broses o adfywiad economaidd y Rhyl. "Mae'r newyddion calonogol yma yn dod â chyfanswm yr arian o Gronfeydd Strwythurol Amcan 1 ac ariannu cyfatebol i'r Rhyl i bron i £15m. Mae hyn yn cynrychioli buddsoddiad sylweddol gan bartneriaeth eang, yn cwmpasu holl feysydd yr economi ac yn cynnwys buddsoddiad cyfalaf mewn adeiladau ac isadeiledd yn ogystal â hyfforddiant a chefnogaeth i weithgareddau cymunedol a mentrau cymunedol, a fydd yn cynorthwyo i sicrhau bod y Rhyl yn symud ymlaen." Disgwylir y bydd y gwaith adeiladu yn dechrau yn y Rhyl yn ystod tymor yr Hydref 2005 ac y bydd yr holl waith wedi'i gwblhau cyn diwedd 2007. Meddai Cyfarwyddwr Corfforaethol yr Amgylchedd Cyngor Sir Ddinbych, Iwan Prys Jones, sydd hefyd yn arwain Partneriaeth y Rhyn yn Symud Ymlaen: "Mae hyn yn newyddion gwych i'r Bartneriaeth y Rhyl yn Symud Ymlaen. Mae'r cais llwyddiannus am arian yn cynrychioli ymdrech ar y cyd gan y bartneriaeth gyda'r cyllid yn dod o nifer o ffynonellau yn y bartneriaeth, yn cynnwys Awdurdod Datblygu Cymru. "Mae'r cyllid Ewropeaidd yma yn gwneud y bartneriaeth yn realiti a byddwn yn ceisio datblygu'r prosiectau er mwyn lleihau effaith y gwaith adeiladwaith sylweddol yma ar y gymuned ac ar yr economi. Cynhaliwyd proses ymgynghori hir wrth ddatblygu'r ceisiadau ac rwy'n falch iawn at ymateb cadarnhaol iawn y gymuned i'r prosiectau hyn ac rwy'n siwr y bydd yr hyn fydd yn deillio o hyn yn cael derbyniad da drwy'r Rhyl." Dywedodd y Cynghorydd Joan Butterfield, Maer y Dref: "Mae hwn yn newyddion da i'r Rhyl. Rydym wedi gweithio'n agos gyda'n gilydd i ddatblygu'r prosiectau hyn dros nifer o flynyddoedd ac mae'n rhagorol gweld y byddant yn cael eu gwireddu o'r diwedd." Llyfryn Amcam 1 Mae partneriaeth Amcan 1 Sir Ddinbych yn ddiweddar wedi cyhoeddi llyfryn yn pwysleisio effaith Acan 1 ar y sir ers pan gychwynnodd y rhaglen yn 2000. Fe lansiwyd y llyfryn gan Aelod Seneddol Ewropeaidd Eluned Morgan a’r Cyngohrydd Rhiannon Hughes. Mae’n cynnwys gwybodaeth ar bob project a ddatblygwyd yn llwol yn y sir, ynghyd â gwybodaeth ar broject a gyflwynwyd I Swyddfa Ariannu Ewropeaidd Cymru a gwybodaeth bellach ar brojectau aml-ranbarthol. Os hoffech dderbyn copi, cysylltwch gyda’r ysgrifenyddiaeth yn osian.Jones@sirddinbych.gov.uk neu ffonio 01824 708091 I archebu copi. Cefnogaeth i Arloesi Y&D - Mae'r tudalen hon yn y broses o gael ei gyfieithu. I weld y fersiwn Saesneg cliciwch yma. |
